Reagimi i MTKRS lidhur me deklaratën e përfaqësuesit të Partisë Socialiste

news_im_deklarate_turizmin

Ministria e Turizmit, Kulturës, Rinisë dhe Sporteve reagon sot ndaj vazhdës së deklaratave të pabaza të Partisë Socialiste lidhur me ecurinë e sezonit turistik të këtij viti. Është e vështirë ti përgjigjesh një deklarate e cila nuk ka asgjë konkrete dhe nuk bazohet mbi shifra reale. Në këtë rast shprehim keqardhje që në mes të sezonit turistik, opozita shqiptare nxin realitetin e vendit dhe bën anti-reklamë. Kjo është nje sjellje e padëgjuar askund tjetër. Meqenese opozita nuk ka sy dhe veshë që ta përceptojë këtë realitet, atëhere shkurtimisht po ju paraqesim një panorame të situatës së turizmit deri në periudhën që po flasim.

Vetëm gjatë periudhës së gjashtë-mujorit të parë të vitit, sipas të dhënave të Drejtorisë së Policisë së Kufirit, në vendin tonë kanë hyrë 155 909 vizitorë të huaj më shumë se në të njëjtën periudhë të vitit të kaluar. Nga ky numer në rritje:

56% ose 512,788 vizitorë janë me netë-qëndrime, në krahasim me 54% ose 412,426 vizitorë në të njëjtën periudhë të vitit të kaluar, me një rritje prej 24% ose 100,362 vizitorësh;
36% janë vizitorët ditorë, shifër e cila është e njëjtë me atë të vitit të kaluar
8% janë vizitorë tranzit, në krahasim me 10% në të njëjtën periudhë të vitit të kaluar

Sipas të dhënave të Këshillit Botëror të Udhëtimeve dhe Turizmit, për sa i përket kontributit direkt të turizmit në PPB, Shqipëria rradhitet në vendin e 42’të, ku parashikimi për vitin 2012 është për një rritje prej 5.5%. Ndërkohë, për sa i perket kontributit total ne PPB, Shqipëria rradhitet në vendin e 29, ku parashikimi për vitin 2012 është për një rritje prej 5.1% krahasuar me vitin e kaluar.

Për sa i përket punësimit, kontributit direkt i sektorit të turizmit për vitin 2012 parashikohet të rritet me 4.3 % ndërkohë që kontributi total i turizmit në punësim parashikohet të rritet me 3.7 % ose 190.000 vende pune.

Per sa i përket të ardhurave në këtë sektor, parashikimi për Shqipërinë sipas Keshillit Boteror të Udhëtimeve dhe Turizmit llogarit një rritje të shpenzimeve nga turizmi vendas me 9.4% ose 41.4 miliardë lekë, ndërsa shpenzimet e ardhura nga turistët e huaj pritet te rriten me 5% ose 191.5 miliardë lekë.

Për sa i përket investimeve në funksion të zhvillimit të turizmit në Shqiperi, nuk mund të mos marrësh në konsideratë listën e gjatë të projekteve të përfunduara apo në proces perfundimi, të konceptuara në projekte infrastrukturash apo në projekte në mbështetje të turizmit kulturor. Këtu, shkurtimisht mund të përmendim:

Autostradën e sapo-inaguruar Levan Vlore
Segmentin Levan – Damës, pjesë e korridorit të Jugut
Tunelin e ri në Ujin e Ftohtë, Vlorë
Kalata e re e anijeve turistike në Portin e Sarandës

Rrugë në zona turistike

Segmenti Korçë Voskopojë
Rruga Dardhë – pista e skive
Rruga Dedaj – Bogë
Rruga Laç – Kisha e Shen-Ndout

Për turizmin kulturor

Rruga e Parkut Arkeologjik Butrint,
Rruga e Kalasë Lezhë
Rruga e Parkut Arkeologjik Antigone
Rruga e Kalasë së Shkodrës
Rruga e Kalasë së Prezës
Rruga e Parkut Arekeologjik Finiq
Rruga e Kalasë së Petrelës
Rruga Krujë – Sari Salltëk

Për sa i përket ujësjellës kanalizimeve, po citojmë të dhënat e Ministrisë së Punëve Publike dhe Transportit ku mund të përmendim një sërë projektesh të përfunduara apo në proces si:

Ujësjellësi i Ksamilit, Faza e II
Ndërtimi i rrjetit të jashtëm të ujësjellësit në zonat e plazhit Durrës – Kavajë
Furnizimi me ujë i plazhit Divjakë dhe zgjerimi i rrjetit Divjakë
Ndërtim i kolektorit të ujërave të zeza Sarandë
Kanalizimet e ujërave të zeza të rrjetit sekondar dhe terciar për qytetin e Vlorës
Ujësjellesi rajonal, komuna Aliko, Sarandë
Rrjeti i kanalizimeve të Ujërave të Zeza në zonën Përroi i Agait – Qerret

Të gjitha të dhënat flasin për një punë konkrete të Qeverisë dhe të Ministrisë në mbështetje të zhvillimit të turizmit në vend, punë e cila është reflektuar me një rritje të vazhdueshme të numrit të vizitorëve nga viti në vit.